Ebul-Abbas Abdulla Ibni Abbas Ibni Abdulmuttalibiň (r.a) habar bermegine görä, Allanyň resuly sallallahu aleýhi wesellem Allatagalanyň şeýle diýenini (kudsi hadys) aýdypdyr:
– Allatagala gowulyklar bilen erbetlikleri belli edip, kesgitläninden soňra, olar babatda şeýle düşündiriş berdi:
– Kimde-kim nähilidir bir gowulyk etmegi ýüregine düwse, ýöne edip bilmese, Haktagala şol gowulygy bolmalysy ýaly eden hökmünde sogap ýazar. Eger-de kimde-kim bir gowy iş etmegi ýüregine düwse we etse, Haktagala eden şol bir gowy amaly üçin on sogap ýazar, käte onuň sogabyny ýedi ýüz esse, hatda ondan hem kän artdyryp ýazar. Kimde-kim nähilidir bir erbet iş etmegi niýet etse, ýöne bu pälinden el çekse, Haktagala oňa edil bolmalysy ýaly bir gowulyk eden dek sogap ýazar. Eger-de kim bir erbet iş etmegi ýüregine düwse we etse, Haktagala oňa diňe bir günä etdi diýip ýazar.[1]
[1] Buhary, «Rikak» 31; Müslim, «Iman» 207, 259. Şeýle hem ser. Buhary, «Towhyd» 35; Tirmizi, «Tefsiri-sure» (6),10.
